[size=24][/size]
أشكد نده....
نكط على الضلع
ونسيت أكلك... يمته
أشكد رازقي ونيمته
وأشكثر هجرك عاشر
ليالي الهوى وما لمته
إنت السحنت الليل
بكليبي
وكلش موش أنت
****
يامه التراجي مرجحن
حسك الصافي وغفه
ويامه الدمع ضوه سواد العيون
وعينك صلفه
وتدري تنيت الدفو
بلهفه ورده
وما جيت ونيمني الثلج...
والشته كله أتعده
لا بالمحطة رف ضوه لاخط جانه من البعد
لا ريل مر على السده
والشته كله تعده كله تعده
و أعلكنه للصيف اليجي
روازينه السمره...
شمع
من ينزل أول الدفو بنيسان
يهتز النبع
يمكن يخضر الضلع...
يمكن بعد بالروح , يا ريحان وصله تنزرع
والكيظ أجانه و أنكضه ورد أنكضه
ورد كيظ أجه
والزلف هجرك فضضه
ورد فضضه
وما مش رجه
****
ولساع من همسه تجي من بعيد
يخضر الضلع
كل نسمه ترفه من تفك الباب
يخنكني الدمع
لساع ... ولذتنه أنكضت
أهجس على الكصايب شمع
وردود أكلك ... يمته؟؟
أشكد رازقي
ونيمته
أملني يسمر بيك
كل عمري أنكضه وأملته
حته خيالك بالحلم
خايف يجي وأمنته
****
كل لحظه من هذا العمر
وعت حسافه بكلبي
يا أول الريحان يلعطيت
نويه بدربي
يا أخر سواجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفافي المهر
قندون ... ما ضايك شكر
يا حلو يا بوسة سهر...
يا ترف يا ييزي قهر
شيضرك ... بكل الشته الولهان
لو صحوة مطر؟
والشته كله تعده
والكيظ هم أتعده
شجاب العشك؟ وأشوده؟
لا بالمحطة رف ضوه...
لا خط أجانه من البعد
لا ريل مر عا السده
****
ولساع ...مشدوده شبكتك
عل الخصر
والركبه من تلتاف للبوسه
جسر
بس أنت تدري شلون رصعة بالنحر
والشته شال شليله
من يمنه عبر
واسألته عنك يا شته العشاك
ما عندك خبر
وك يا شته العشاك ما عندك خبر؟
والكيظ أجانه و أنكضه ورد أنكضه
ورد كيظ أجه
والزلف هجرك فضضه
ورد فضضه
وما مش رجه....
حن ....
وانه حن
و أنحبس ونه....
ونمتحن
مرخوص بس كت الدمع
شرط الدمع
حدة الجفن
**********
جفنك جنح فراشة غض
وحجارة جفني وما غمض
يلتمشي بيه
وبه نبض
روحي على روحك تنسحن
حن بويه حن
***********
عيونك
زرازير البراري
بكل نشاط جناحها
بعالي السحر
والروح مني
عوسجة بسر
ما وصل ليه النده
ولا جاسها بكطرة مطر
وصفولي عنك بالنباعي تفيض
وتعنيت ليله ... وي الكمر
وصفولي عنك كل مسامة تفيض
منك عطر .. يلحسنك نهر
تنزل بصدري وي النفس وبدمي
غصبن تنعجن
وأشهك وأصعدك للسمة
بحسرات وبعنة حزن
حن ... بويه حن
**********
شفافك ولا كولن ورد .....
عنابه معكودة عكد
تمتلي بكد ما تنمرد
لا هو دفو لا هو برد
***************
سكتاتك تشكل خواطر بالكلب ...
مالي عرف بيهن كبل
مبروم بره الريزة
يا ريان ومخوصر خصر
لف العكل
كل جملة منك ...
نبعة ريحان .. بالدلال ...
ما تحمل ثكل
وصفولي عنك
وردة القداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايج سكر
حني بفوازير ولحن ...
حنة حمامات السجن
حنة إلي ...
حنة إلك ...
واللي يعجبه خلي يحن
حن بويه حن
*************
آنه من أشوفك
يمتلي الامضي الجدب
زهرات بيض من الوفه
وروحي سواجي من الحنين تصير
وأنتبه وكت بيه غفه
يا محجل إن بيه ردود
أرد أردود للعشرين ....
من عمر الجفه
وأنصف عمر منك
نصفته بالهجر ...
والهجر منك ما كفه
حتى الهجر يا روحي
منك ما كفه
وكلبي عله هجرك كام أيحن
حن ... بويه حن ... حن ....
وآنه حن
وأنحبس ونه ...
ونمتحن
مجبور أرخصك على الدمع
شرط الدمع يجوي الجفن
أشكد نده....
نكط على الضلع
ونسيت أكلك... يمته
أشكد رازقي ونيمته
وأشكثر هجرك عاشر
ليالي الهوى وما لمته
إنت السحنت الليل
بكليبي
وكلش موش أنت
****
يامه التراجي مرجحن
حسك الصافي وغفه
ويامه الدمع ضوه سواد العيون
وعينك صلفه
وتدري تنيت الدفو
بلهفه ورده
وما جيت ونيمني الثلج...
والشته كله أتعده
لا بالمحطة رف ضوه لاخط جانه من البعد
لا ريل مر على السده
والشته كله تعده كله تعده
و أعلكنه للصيف اليجي
روازينه السمره...
شمع
من ينزل أول الدفو بنيسان
يهتز النبع
يمكن يخضر الضلع...
يمكن بعد بالروح , يا ريحان وصله تنزرع
والكيظ أجانه و أنكضه ورد أنكضه
ورد كيظ أجه
والزلف هجرك فضضه
ورد فضضه
وما مش رجه
****
ولساع من همسه تجي من بعيد
يخضر الضلع
كل نسمه ترفه من تفك الباب
يخنكني الدمع
لساع ... ولذتنه أنكضت
أهجس على الكصايب شمع
وردود أكلك ... يمته؟؟
أشكد رازقي
ونيمته
أملني يسمر بيك
كل عمري أنكضه وأملته
حته خيالك بالحلم
خايف يجي وأمنته
****
كل لحظه من هذا العمر
وعت حسافه بكلبي
يا أول الريحان يلعطيت
نويه بدربي
يا أخر سواجي حنيني وحبي
من يوم طيفك هجر نومي ما نمت
حنية يا جذاب منك
ما شفت
من ظني كضك بالحلم
عنبر فحت
من ردت أجيسك جست روحي
وفرفحت
أترف من أجفافي المهر
قندون ... ما ضايك شكر
يا حلو يا بوسة سهر...
يا ترف يا ييزي قهر
شيضرك ... بكل الشته الولهان
لو صحوة مطر؟
والشته كله تعده
والكيظ هم أتعده
شجاب العشك؟ وأشوده؟
لا بالمحطة رف ضوه...
لا خط أجانه من البعد
لا ريل مر عا السده
****
ولساع ...مشدوده شبكتك
عل الخصر
والركبه من تلتاف للبوسه
جسر
بس أنت تدري شلون رصعة بالنحر
والشته شال شليله
من يمنه عبر
واسألته عنك يا شته العشاك
ما عندك خبر
وك يا شته العشاك ما عندك خبر؟
والكيظ أجانه و أنكضه ورد أنكضه
ورد كيظ أجه
والزلف هجرك فضضه
ورد فضضه
وما مش رجه....
حن ....
وانه حن
و أنحبس ونه....
ونمتحن
مرخوص بس كت الدمع
شرط الدمع
حدة الجفن
**********
جفنك جنح فراشة غض
وحجارة جفني وما غمض
يلتمشي بيه
وبه نبض
روحي على روحك تنسحن
حن بويه حن
***********
عيونك
زرازير البراري
بكل نشاط جناحها
بعالي السحر
والروح مني
عوسجة بسر
ما وصل ليه النده
ولا جاسها بكطرة مطر
وصفولي عنك بالنباعي تفيض
وتعنيت ليله ... وي الكمر
وصفولي عنك كل مسامة تفيض
منك عطر .. يلحسنك نهر
تنزل بصدري وي النفس وبدمي
غصبن تنعجن
وأشهك وأصعدك للسمة
بحسرات وبعنة حزن
حن ... بويه حن
**********
شفافك ولا كولن ورد .....
عنابه معكودة عكد
تمتلي بكد ما تنمرد
لا هو دفو لا هو برد
***************
سكتاتك تشكل خواطر بالكلب ...
مالي عرف بيهن كبل
مبروم بره الريزة
يا ريان ومخوصر خصر
لف العكل
كل جملة منك ...
نبعة ريحان .. بالدلال ...
ما تحمل ثكل
وصفولي عنك
وردة القداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايج سكر
حني بفوازير ولحن ...
حنة حمامات السجن
حنة إلي ...
حنة إلك ...
واللي يعجبه خلي يحن
حن بويه حن
*************
آنه من أشوفك
يمتلي الامضي الجدب
زهرات بيض من الوفه
وروحي سواجي من الحنين تصير
وأنتبه وكت بيه غفه
يا محجل إن بيه ردود
أرد أردود للعشرين ....
من عمر الجفه
وأنصف عمر منك
نصفته بالهجر ...
والهجر منك ما كفه
حتى الهجر يا روحي
منك ما كفه
وكلبي عله هجرك كام أيحن
حن ... بويه حن ... حن ....
وآنه حن
وأنحبس ونه ...
ونمتحن
مجبور أرخصك على الدمع
شرط الدمع يجوي الجفن
